Məxfilik siyasəti
Son yenilənmə: 20 noyabr 2026
CineCity ("biz") film, anime və manga sevənlər üçün sosial platformadır — iOS tətbiqi və cinecity.app saytı. Bu siyasət şəxsi məlumatlarınızı necə topladığımızı, istifadə etdiyimizi, saxladığımızı və qoruduğumuzu izah edir. Xidmətdən istifadə etməklə bu siyasətlə tanış olduğunuzu təsdiq edirsiniz.
1. Topladığımız məlumatlar
Hesab məlumatları: email ünvanı, ad və soyad, nickname, profil şəkli, istəyə bağlı olaraq cins, əvəzlik, bio, yer və vebsayt. Google və ya Apple ilə daxil olsanız, həmin xidmətin bizə verdiyi ad, email və şəkil.
Sizin yaratdığınız məzmun: baxdığınız, bəyəndiyiniz, izləmə siyahısına əlavə etdiyiniz və qiymətləndirdiyiniz başlıqlar, rəylər, şərhlər və cavablar, listlər, story-lər və highlight-lar, Epic seçiminiz, anime/manga irəliləyişi, sevimlilər və izlədiyiniz istifadəçilər.
Qarşılıqlı əlaqə məlumatları: story və Epic seçimlərinə kimlərin baxdığı (yalnız sahibinə göstərilir), bəyənmələr və izləmələr.
Texniki məlumatlar: IP ünvanı, cihaz və brauzer növü, xəta qeydləri. Bunlar serverin işləməsi və təhlükəsizlik üçün qısa müddət saxlanılır.
Biz reklam izləyiciləri, üçüncü tərəf analitika və ya barmaq izi (fingerprinting) texnologiyaları istifadə etmirik.
2. Məlumatlardan necə istifadə edirik
Hesabınızı yaratmaq, sizi tanımaq və xidməti göstərmək üçün (profil, aktivlik, statistika, story-lər).
Sizə xidmətlə bağlı email-lər göndərmək üçün (email təsdiqi, şifrə yeniləmə). Marketinq email-i göndərmirik.
Təhlükəsizlik, sui-istifadənin və spamın qarşısını almaq, qaydaları tətbiq etmək üçün.
Xidməti yaxşılaşdırmaq üçün ümumi, anonim göstəricilər (məsələn, ümumi istifadəçi sayı).
Məlumatlarınızı satmırıq və reklam məqsədilə kimsəyə vermirik.
3. Hüquqi əsas
Məlumatlarınızı xidməti göstərmək üçün müqavilə əsasında (istifadə şərtləri), təhlükəsizlik və sui-istifadənin qarşısını almaq üçün qanuni maraq əsasında, istəyə bağlı sahələr üçün isə razılığınız əsasında emal edirik. Razılığınızı istənilən vaxt həmin məlumatı silməklə geri götürə bilərsiniz.
4. Kim görə bilər
Profiliniz, ictimai qeydləriniz, rəyləriniz, şərhləriniz və ictimai listləriniz digər istifadəçilərə və saytın ziyarətçilərinə görünür. Profilinizi "yalnız izləyicilər" etsəniz, aktivliyiniz gizlənir.
Story-lərə yalnız daxil olmuş istifadəçilər baxa bilər; ayarlardan onları yalnız izləyicilərinizə göstərə bilərsiniz. Email ünvanınız heç vaxt digər istifadəçilərə göstərilmir.
5. Xidmət təminatçıları
Google Firebase Authentication — yalnız giriş və hesab təhlükəsizliyi üçün (email, şifrə həşi, Google/Apple girişi).
DigitalOcean — serverlər və verilənlər bazası Frankfurtda (Avropa İttifaqı) yerləşir.
Resend — xidmət email-lərinin göndərilməsi (email ünvanınız və məktubun məzmunu).
TMDB və AniList — film, anime və manga məlumatları. Onlara şəxsi məlumat göndərmirik; şəkillər onların serverlərindən yükləndiyi üçün brauzeriniz IP ünvanınızı onlara göstərə bilər.
Google reCAPTCHA (yalnız saytda şifrə yeniləmə formasında) — botların qarşısını almaq üçün; Google-un məxfilik siyasətinə tabedir.
6. Saxlama müddəti
Hesab məlumatları hesabınız aktiv olduğu müddətdə saxlanılır.
Story-lər 12 saatdan sonra görünməz olur; highlight-a əlavə etdikləriniz siz silənə qədər qalır.
Hesabı silsəniz, məlumatlarınız dərhal verilənlər bazasından silinir; ehtiyat nüsxələrdən ən gec 30 gün ərzində silinir.
Server qeydləri ən çox 30 gün saxlanılır.
7. Hüquqlarınız
Məlumatlarınıza baxmaq, düzəltmək, silmək, nüsxəsini (ixrac) almaq və emala etiraz etmək hüququnuz var. Profil məlumatlarını tətbiqdə dəyişə, hesabı tətbiqdən və ya saytdan silə bilərsiniz. Digər istəklər üçün bizə yazın — 30 gün ərzində cavab veririk.
Avropa İttifaqında yaşayırsınızsa, yerli məlumatların qorunması orqanına şikayət etmək hüququnuz da var.
8. Uşaqlar
CineCity 13 yaşdan kiçik uşaqlar üçün nəzərdə tutulmayıb (yaşadığınız ölkədə qanun daha yüksək yaş tələb edirsə, həmin yaş tətbiq olunur). Uşağın icazəsiz qeydiyyatdan keçdiyini bilsək, hesabı silirik.
9. Təhlükəsizlik
Bütün əlaqə HTTPS ilə şifrələnir, şifrələr bizdə deyil Firebase-də saxlanılır, verilənlər bazası ictimai internetə açıq deyil, girişlər token ilə yoxlanılır. Heç bir sistem 100% təhlükəsiz deyil, amma məlumatlarınızı qorumaq üçün ağlabatan tədbirlər görürük.
10. Dəyişikliklər və əlaqə
Bu siyasəti yeniləyə bilərik; əhəmiyyətli dəyişikliklər barədə tətbiqdə və ya email ilə xəbər veririk. Suallarınız üçün: support@cinecity.app.
